Қазақстандық волейболшы Сәбина Алтынбекова тұрмысқа шыққаны жайлы қуанышты хабарды өзінің Инстаграм парақшасында бөлісті.
«Жылды ең керемет ер адамның әйелі ретінде аяқтаймын», - деп жазды спортшы.
Алтынбекова жариялаған фотода «Нұр-Мүбəрак» университеті жанындағы мешіттің бас имамы Қайрат Жолдыбайұлы жастардың некесін қиып тұрған сәтін аңғаруға болады.
Айта кетейік, қазақстандық волейболшы Сәбина Алтынбекова 2014 жылы жастар арасындағы Азия чемпионатынан кейін желіде «ең сымбатты» спортшы ретінде танылды. Ол 1996 жылы Ақтөбе қаласында дүниеге келген. 17 жасында ұлттық құраманың мүшесі атанды.
