«Барселона» шабуылшысы Лионель Месси «футбол королі» Пеленің бір клуб үшін соққан голдарының саны бойынша рекордын жаңартты.
Месси Испания чемпионатының 15-турында «Вальядолидаға» қарсы ойынның 65-минутында гол соғып, есепті 3:0-ге жеткізді. Бұл осы ойындағы соңғы гол болды. 33 жастағы Леоның «Барселона» үшін соққан голы 644-ке жетті. Бұл - жаңа рекорд.
Ал, Пеле «Сантос» клубында 1956-1974 жылдар аралығында ойнап, 643 гол соққан болатын.
