Қасым-Жомарт Тоқаев коронавирусқа қарсы вакцинаның қазақстандық үлгісін салдыратынын Үкіметтің кеңейтілген отырысында мәлімдеді.
«Отандық вакцинаны тестілеудің оң нәтижесін күтеміз. Бұл жағдайда мен қазақстандық вакцинаны салдырамын. Нәтиже оң болады деп үміттенемін», - деді Президент.
Жаппай егу елімізде 1 ақпаннан басталады. Қазақстанда коронавирусқа қарсы отандық вакцинамен алғаш егілгендердің бірі ҚР Білім және ғылым министрі Асхат Аймағамбетов болды. Сондай-ақ, вакцина қабылдаған еріктілер қатарында ҚР Президентінің көмекшісі Ерлан Қарин, Жамбыл облысының әкімі Бердібек Сапарбаев бар.
