Сарыағаш ауданы әкімі Арман Абдуллаев Дарбаза ауылдық округ тұрғындарымен кездесуде тұрғындар тарапынан аудандық маңызы бар KXSG-5 KX-11 - 51 разъезд бойында орналасқан елді мекеннің жолына асфальт төсеу мәселесін көтерген болатын.
Осы орайда,бүгін аудан әкімі жұмыс жоспарына сәйкес Дарбаза ауылдық округіне арнайы іс-сапармен барып,жол жөндеу жұмыстарымен танысты.
- Көшелерді асфальттау бойынша құрылыс жұмыстарының сапасы менің қатаң бақылауымда болады.Жұмыстар мерзімінде және жобаға сәйкес жасалынуы қажет,-деді аудан басшысы.
Айта кетсек, Дарбаза ауылдық округінің аталған елді мекенінің жолының 2,9 шақырымы орта жөндеу жұмыстарына ведомстволық сараптаманың қорытындысы алынып, аудандық бюджеттен қаржы қаралған. Қазіргі таңда,жолға шағал төсеу жұмыстары жүргізілуде.
Жұмыс барысымен танысқан аудан әкімі жауапты мердігер мекеме өкілі және жауапты бөлім басшысына бірқатар тапсырмалар беріп,жіті бақылауында болатынын атап өтті.
САРЫАҒАШ: ТҰРҒЫНДАР ТАРАПЫНАН КӨТЕРІЛГЕН МӘСЕЛЕЛЕР ӨЗ ШЕШІМІН ТАБУДА
