Отбасы - қастерлі ұғым. Елге, жерге сүйіспеншілік, барлық асыл қасиеттер отбасынан басталады. Адам бойындағы тәрбие алдымен отбасында қалыптасады.
Қаламызда жыл сайын өтетін «Мерейлі отбасы» байқауы отбасы құндылықтарын нығайтуға ерекше себеп болып келеді. Қазіргі уақытта отбасын сақтау, неке институтын нығайту, бала тәрбиесіндегі ата-ананың жауапкершілігін арттыру аса маңызды.
Сондықтан отбасы бірлігін – ел бірлігі ретінде Шымкент қаласы Абай ауданында "Мерейлі отбасы" Ұлттық конкурсының 1-ші кезеңі өтті. Байқауда 22 отбасының арасынан үздік болып танылған 4 жеңімпаз отбасылар анықталды. Олар:
1. Нұрмановтар әулеті – өнерлі отбасы, Шымкент қалалық академиялық қазақ драма театрының әртістері, ҚР Мәдениет саласының үздіктері Руслан мен Жәудірдің отбасы.
2. Иманалиевтер әулеті - зейнеткер-ұстаз, Бозарық бастауыш ардагерлер ұйымының төрағасы, 80 жасқа келген ақсақал - журналист, 10-шақты кітаптарының авторы. Жұбайы Мариям ана Бөрібекқызы "Алтын дәрігер" медалінің, яғни бірнеше марапат иегерлері.
3. Бекмуратовтар әулеті - спорт саласына үлесін қосып жүрген Серік Темірханұлы мен медицина саласында статист маманы Айнур Қалтайқызының отбасы.
Отбасылық ұрандары: "Мейірім, ынсап, әділет, адал еңбек, таза жүрек, тату дос - Өміріңді өкіндірмес осы аталған қасиет" деп ұл-қыздарына тәлім-тәрбиемен өсіруде.
4. Жақсыбаевтар әулеті - химия-технология институтында инженер-сарапшы Ердос Тілегенұлы және жұбайы ІІ-дәрежелі кітапханашы Халипа Әнуарбекқызы. Бұл үлгілі отбасында білімге деген құштарлықтары басым болып, ұлы Қытайда үздік оқып шыққан болса, қызы бірнеше кітаптің жас авторы.
Сонымен қатар, аудан әкімінің алғыс хатымен жоғарыда аталып өткен іс-шараға өздерін көрсете білген, жас болса да белсенділік танытып үздік көрінген 2 отбасы да марапатталды.
Барша отбасыларға алдағы уақытта өз үлестерін қосады деген ақ ниет білдіріп, марапаттарымен құттықтаймыз!
"МЕРЕЙЛІ ОТБАСЫ" ҰЛТТЫҚ КОНКУРСЫНЫҢ 1-ШІ КЕЗЕҢІНІҢ ЖЕҢІМПАЗДАРЫ МАРАПАТТАЛДЫ
