Бадам ауылдық округіне сапары барысында осылай деді аудан әкімі Азат Оралбаев.
С.Сейфулин атындағы жалпы орта мектебіндегі ауыл тұрғындарымен кездесуден соң аудан басшысы Бадам ауылының орталық көшелерін жаяу аралап, ауыл әкіміне жол бойындағы ретсіз сауда мен сыртқы қаспеті, маңдайшалары ескірген ғимараттарды бірізділікке келтіруді, арнайы белгіленген орындарға ауыл әкімдігі тарапынан жеңіл құрылыс материалдарынан дайындалған дүңгіршектер орнатуды тапсырды.
Сонымен қатар Азат Әбдіғалиұлы тоғыз жолдың торабындағы Бадам ауылының қоғам қауіпсіздігін қамтамасыз ету мақсатында аудандық полиция бөлімі мен ауылдық округ әкімдігі бірлесіп жедел әрекет ету керектігін тілге тиек етті.
ORDABASY: БАДАМ КӨШЕЛЕРІНІҢ ҚАСПЕТІ РЕТКЕ КЕЛТІРІЛЕДІ
