Аудан әкімі Нұржан Ізтілеуов аудан тұрғындарымен кезекті жеке қабылдауын өткізді. Қабылдауда болған азаматтар тарапынан көтерілген жұмысқа орналасу, тұрғын үй кезегі, әлеуметтік дүкен, жол тазалығы мен көше жарығы сынды мәселелер бойынша аудан басшысы қолданыстағы заңдарға сәйкес нақты жауап беріп, тұрғындар өтініштерін қанағаттандыру мақсатында тиісті бөлім басшыларына нақты тапсырмалар жүктеді.
Сонымен қатар, АӘК ала алмай жүрген көпбалалы аналардың өтініштеріне құлақ асып, жауапты мамандарға тиісті құжаттарды қабылдап, көпбалалы аналардың мәселесін шешіп беруді тапсырды. Онымен қоса, мектеп формасына қатысты айтылған өтініштер бойынша аудан әкімі Нұржан Жақсылықұлы демеушілер тауып, міндетті түрде көмек көрсетілетінін жеткізді, деп хабарлайды Түлкібас ауданы әкімінің баспасөз қызметіне сілтеме жасаған no-comment.kz.
ТҮЛКІБАС: ТҰРҒЫНДАРМЕН ЖЕКЕ ҚАБЫЛДАУ ӨТТІ
