Жеке өтініштерімен жүгінген тұрғындар жұмысқа орналасу, медицина, жер қатынастары саласы мен көшені жарықтандыру, тұрғын-үй мәселелерін алға тартып, аудан басшысы және жауапты мекеме басшылығы тарапынан нақты жауаптарын алды.
Нұржан Жақсылықұлы қабылдауда барлық көтерілген мәселе заңды шешімін тапқанша бақылауда тұратындығын жеткізіп, жауапты мамандарға тиісті жұмыстарды атқаруды тапсырып, кейбір мәселелерді демеушілердің күшімен атқару керектігін атап өтті, деп хабарлайды Түлкібас ауданы әкімінің баспасөз қызметіне сілтеме жасаған no-comment.kz.
ТҮЛКІБАС: Аудан әкімі Нұржан Ізтілеуов аудан тұрғындарына кезекті жеке қабылдауын өткізді.
