Аудан әкімі Арман Абдуллаев Жемісті ауылдық округінің тұрғындарымен кездесуінде Тың елді мекенінің тұрғындары мектепке баратын жолға жарықтандыру бағаналары мен шамдарын қою бойынша өтініштері мен ұсыныстарын айтқан болатын.
Тұрғындар ұсынысына сәйкес, аудан әкімі Арман Абдуллаев ауылдық округ әкіміне көшені жарықтандыру мәселесін қолға алуды тапсырып, нақты мерзім белгілеген.
Бүгінде аудан әкімінің тапсырмасы орындалып, Тың елді мекеніндегі №46 Тоқтаров жалпы орта мектебіне баратын Бірлік көшесіне жарықтандыру бағаналары мен шамдарын қою жұмыстары мердігер мекеме тарапынан жүргізіліп жатыр.
Аталған көшені жарықтандыру үшін 4 адам жұмысқа тартылып, 6 дана жарықшамдар қою жоспарлануда, деп хабарлайды Сарыағаш ауданы әкімінің баспасөз қызметіне сілтеме жасаған no-comment.kz.
САРЫАҒАШ: ТҰРҒЫНДАР ӨТІНІШІНЕ СӘЙКЕС АУДАН ӘКІМІ АРМАН АБДУЛЛАЕВТЫҢ ТАПСЫРМАСЫ ОРЫНДАЛУДА
