ӘКІМНІҢ ХАЛЫҚПЕН ТҰРАҚТЫ КЕЗДЕСУІ ӨЗ НӘТИЖЕСІН БЕРУДЕ

Шауғар секторындағы ашық алаңда өткен кездесуде бірқатар мәселе айтылды.
Жалпы, Шауғар секторында сәуір айындағы кездесуде 98 тапсырма берілген еді. Оның 80 тапсырмасы орындалып, 18 мәселе бойынша жүйелі жұмыстар атқарылуда.
Шауғар секторында жыл басынан бері 31 көшеге (20 шқ) тас төселіп, 22 аялдама орнатылды.
Сонымен қатар, №6, 10 бағыттағы автобустар жаңартылып, №17, №20 жаңа бағыттары іске қосылды. Жыл соңына дейін, тағы жаңа №16 бағыты іске қосылады.
Тұрғындар өтініші бойынша Абылайхан көшесі мен Ғ.Мұратбаев мектебі жанына балалар ойын алаңы мен спорт алаңшасы салынуда.
Одан бөлек, сектордың 105 шақырымына кәріз жүйесі құрылысы жүргізілуде.
Және де тұрғын алабтағы ауыз су тартылмаған көшелерге арнайы жоба әзірленіп, қазан айында құрылысын бастау жұмыстарын бастау жоспарлануда, деп хабарлайды Түркістан қаласы әкімінің баспасөз қызметіне сілтеме жасаған no-comment.kz.