Бүгін аудан әкімінің орынбасары М.Оразалиев Ақсукент ауылдық округінің тұрғындарын қабылдады.
Қабылдауға аудан әкімі аппаратының заң бөлімшесі, аудандық тұрғын үй-коммуналдық шаруашылығы, жолаушылар көлігі және автомобиль жолдары, құрылыс, сәулет және қала құрылысы бөлімдері қатысты.
Ақсукенттіктер Ақсукент-2 ауылында орналасқан көпқабатты тұрғын үйлердің ішінде 2 үйдің шатырлары мен қас беттерінің тозығы жетуіне байланысты, қажет ететін жөндеу жұмыстарына бюджеттен 35 млн. теңге көлемінде қаражат қарастыруды сұранды.
Мадияр Мұхтарұлы тиісті бөлімге ауылдық округі әкімі аппаратымен бірлесе отырып, нысандарға зерделеу жүргізіп, заңға сәйкес көмек көрсетуді тапсырды, деп хабарлайды Сайрам ауданы әкімінің баспасөз қызметіне сілтеме жасаған no-comment.kz.
САЙРАМ: КӨПҚАБАТТЫ ТҰРҒЫН ҮЙЛЕРДІҢ СЫРТҚЫ БЕТІ МЕН ШАТЫРЫН ЖӨНДЕУГЕ ҚАРЖЫЛАЙ КӨМЕК КӨРСЕТУДІ СҰРАНДЫ
