ҚР Премьер-Министрінің орынбасары Алтай Көлгінов және Түркістан облысы әкімінің орынбасары Ермек Кенжеханұлы жұмыс сапарымен Сарыағаш аудандық орталық ауруханасына келді.
Үкімет басшысының орынбасары Алтай Көлгінов орталық аурухананың бүгінгі жағдайымен танысып, ақ халатты абзал жандармен еркін форматта сұхбаттасты.
Сапар барысында дәрігерлік амбулаториялар мен фельдшерлік акушерлік пункттерді салу қажеттілігі, санитарлық автокөліктердің жетіспеушілігі, жалпы тәжірибелік дәрігерлерінің мәртебесін көтеру мәселелері талқыланып, тиісті мекемелердің басшыларына тапсырмалар жүктелді.
Айта кетсек, биылғы жылы ауданда Мемлекет басшысы Қасым-Жомарт Кемелұлы Тоқаевтың тапсырмасы бойынша көпбейінді аурухана құрамында перинаталдық орталығы бар кешен салу бойынша жұмыстар атқарылуда. Сондай-ақ, Қарақалпақ, Жаңатұрмыс және Жонарық елді мекендерінде фельдшерлік акушерлік пункттердің құрылысы жүргізілуде.
САРЫАҒАШ: ПРЕМЬЕР-МИНИСТРДІҢ ОРЫНБАСАРЫ АЛТАЙ КӨЛГІНОВ АУДАНҒА КЕЛДІ
