Соңғы жылдары еліміздің бас қалалары Астана мен Алматы қалаларында феминистік ұйымдардың шеруі өтіп жүр. Жасыратыны жоқ, мұндай шерулерді тұрғындардың бір бөлігі жақтаса, басым бөлігі жақтамайды. Осыған орай «Қазақстандық Ата-Аналар одағы» РКБ-ның төрайымы Бағила Балтабаеваның ұйымдастыруымен баспасөз-конференциясы өтті.
Жиынға қоғам белсенділері, блогерлер және журналистер қатысты.
Марат Тоқашбаев, Әмір Мәуленов, Айдос Оразай сияқты қоғам белсенділері тілшілердің өткір сұрақтарына жауап берді.
-Осы мәселемен мен 7-8 жылдан бері айналысып келемін. Әлеуметтік желіде де талай мақала жаздым. Мұндай шерулер жастарға әсер етпей қоймайды. Әлемдік ғалымдардың зерттеуінше, табиғи ауытқушылығы басым болып, әйелдерде еркектің, еркекте әйелдің гармондары басым дертке ұшыраған адамдардың саны небәрі 4-5% болады екен. Ер мен әйелден жаңа ұрпақ, жаңа буын пайда болады. Ал, біржыныстылардың әрекетінде тән рахатынан басқа ештеңе жоқ. Бұл асыл дінімізге де жат әрекет, - деп айтты журналист, Жазушылар одағының мүшесі М. Тоқашбаев.
