Инвестициялық штаб отырысында стратегиялық инвестициялық жобаларды жүзеге асырудың өзекті мәселелері қаралды, деп хабарлайды No-comment.kz - ҚР Премьер-Министрінің ресми ақпараттық ресурсына сілтеме жасап.
Отырыс барысында экономиканың негізгі салаларындағы, оның ішінде жаңартылатын энергетика, тау-кен металлургия кешені, мұнай-газ химиясы, сондай-ақ көлік және логистика салаларындағы жобаларды жүзеге асырудың ашық мәселелері талқыланды.
Ірі инвестицияларды тарту тетіктерін жетілдіруге ерекше назар аударылды. Атап айтқанда, мемлекет пен инвестордың өзара міндеттемелерін бекітетін және жобаларды жүзеге асырудың құқықтық тұрақтылығын қамтамасыз ететін Инвестициялар туралы келісім негізгі құралдардың бірі болып саналатыны атап өтілді.
Жалпы алғанда, инвестициялық штабта қаралатын мәселелер туындайтын кедергілерді жедел шешуге және өнеркәсіптік әлеуетті дамытуға әрі ел экономикасының бәсекеге қабілеттілігін нығайтуға ықпал ететін инвестициялық бастамаларды тиімді жүзеге асыруды қамтамасыз етуге бағытталған.
