Оның айтуынша, инвесторлармен келіссөздер жүргізіліп, импорт алмастыратын 20 жоба іске асырылуда.
«Бұл өз кезегінде 53 млрд теңгеге жуық импорт тауарларын алмастыруға мүмкіндік береді. Индустриялық аймақтарда құны 152 млрд теңгені құрайтын 99 инвестициялық жоба іске асырылуда. 6 361 жұмыс орны ашылады. Бүгінгі таңда 39 млрд теңге инвестиция тартылып, 50 жоба іске қосылды, 2 609 адам тұрақты жұмыспен қамтылды. «Turan» арнайы экономикалық аймағында 211,8 млрд теңгеге 28 ірі жоба жүзеге асырылуда», – деді спикер.
Көршілес Өзбекстанмен жүргізілген келіссөздер нәтижесінде 100 га аумақта халықаралық кооперация орталығы құрылды. Нысан заманауи қоймалар және өндірістік нысандармен интеграцияланған логистикалық орталық қызметін атқарады. 7 инвестор жобаларды жүзеге асыруға қызығушылық танытып отыр. Нәтижесінде, өңір экономикасына 185 млрд теңге инвестиция тартылып, 1 175 жұмыс орны ашылады деп күтілуде. Бүгінгі таңда, 8 өндірістік ғимарат салынып, ішкі инфрақұрылым жүйелерінің құрылысы қарқынды жүргізілуде. Оларды келесі жылы іске қосу жоспарланып отыр.
Жалпы өнеркәсіп саласында биыл 107 млрд теңгеге 22 жоба іске асырылып, 2 443 жұмыс орны ашылды. Оның ішінде, маңызды ірі жобалар:
- Созақ ауданында табиғи уран өңдеу кешені;
- Отырар ауданында 2 мақта өңдеу зауыты;
- Түлкібас ауданында RC Cola брендімен түрлі-түсті сусын шығаратын зауыт;
- Сайрам ауданында заманауи ет комбинаты;
- Ордабасы ауданында алюминий бұйымдарын шығаратын зауыт.
Жыл соңында 103,5 млрд теңгеге қосымша 8 жоба іске қосылады.
