THE HAMMSOLz — парниктік газдар шығарындыларын азайту, полигондарды рекультивациялау және жаңғырту, сондай-ақ полигондық газды кәдеге жаратуға арналған жабдықтар мен инфрақұрылым бағытында жұмыс істейтін экологиялық технологиялар мен орнықты даму саласындағы компания.
Аталған компания Қазақстандық «Kazakhstan M-Gas» ЖШС арқылы құны 5 млрд теңге болатын биоэлектр станциясын салу жөніндегі инвестициялық жобаны іске асыруды жоспарлап отыр. Жоба 2 МВт/сағ қуат орнатуды және 70 жұмыс орнын құруды көздейді.
Жобаны табысты жүзеге асыру үшін «Ақтас-1» қоқыс полигонына жақын орналасқан 1 гектар жер телімін бөлу қажет. Осыған байланысты, аталған жобаны қолдау мүмкіндігін қарастыру және жер телімін бөлу жөнінде мәселелер талқыланды.
Жобаның іске асырылуы өңірдің экологиялық жағдайын жақсартуға, жаңа жұмыс орындарын ашуға және «жасыл» энергетиканы дамытуға елеулі үлес қосады.
