Жетісу ауданы қаланың жетекші өнеркәсіптік және сауда орталығының бірі ретінде өз позициясын нығайтты. Аудан әкімі Ләззат Жылқыбаеваның айтуынша, өнеркәсіп өндірісінің көлемі 13,9%-ға өсіп, 320,8 млрд теңгеге жеткен. Экономикаға салған инвестициялар 93,8 млрд теңгені құрап, өндірістік және әлеуметтік инфрақұрылымды дамытуға ықпал етті.
Қазір ауданда 572 өнеркәсіптік кәсіпорын жұмыс істейді, олардың 51-і үлкен және орта, 521-і шағын кәсіпорын. Олар Жетісу ауданының өнеркәсіптік әлеуетінің негізін құрап, жүздеген жаңа жұмыс орнын ашып отыр.
Құрылыс саласында да өсім байқалады: біткен жұмыстың көлемі 44,5%-ға артып, 44,4 млрд теңгеге жетті. Пайдалануға берілген тұрғын үйдің аумағы 15%-ға көбейіп, тұрғын үй құрылысының қарқыны жоғары болып отыр.
Бизнеске қолдау көрсету мен инвестицияларды ынталандыру Алматы қаласының бюджетіне түсетін салық түсімін 10,5%-ға арттырып, 258,8 млрд теңгеге жеткізді. Ауданда 3 288 жаңа жұмыс орны құрылды.
Әкімнің айтуынша, жүзеге асып жатқан шаруалар экономиканы дамытуға ғана емес, тұрғындардың өмір сүру сапасын арттыруға да бағытталған.
