Өткен оқу жылында тәрбие жұмысын ұйымдастырудың заманауи тәсілдерін талқылау және тәжірибеде тиімді қолдану жолдарын анықтау үшін білікті ғалымдар, тәжірибелі педагогтар мен қоғам белсенділері атсалысты.
«Әр тоқсан сайын мектеп директорларының тәрбие ісі жөніндегі орынбасарлары, сынып жетекшілер және ата-аналар арасында сауалнамалар жүргізілді. Сауалнама тәрбие жұмыстарының нақты, объективті жай-күйін зерделеуге мүмкіндік берді», – деді спикер.
Сауалнама нәтижесі жалпы ел көлемінде «Адал азамат» біртұтас тәрбие бағдарламасы оң көрсеткіштермен іске асырылып жатқандығын көрсетіп отыр. Сауалнамаға қатысқан ата-аналар бағдарламаға оң көзқарасын білдірді.
Жалпы, «Адал азамат» бағдарламасы жүйелі түрде іске асырылып, педагогтердің кәсіби әлеуетін арттыруға, ата-аналарды тартуға және оқушылардың құндылық бағдарының дамуына нақты ықпал етіп отыр. Бағдарламаның әлеуеті халықаралық деңгейде мойындалып, оның жас ұрпақты үлкен өмірге дайындаудағы стратегиялық рөлі айқындалды.
