Еліміздің өңірлерінде егін жинау науқаны жалғасып жатыр, деп хабарлайды No-comment.kz - ҚР Ауыл шаруашылығы министрлігіне сілтеме жасап.
Бүгінгі таңда дәнді және дәнді-бұршақты дақылдардың 6,3 млн гектары жиналды, бұл жалпы егіс алқабының 39,3%-ын құрайды. Нәтижесінде 9 миллион тоннаға жуық астық бастырылды.
Дәнді дақылдардан бөлек, ауыл шаруашылығы өнімін өндірушілер 221 мың тонна майлы дақыл, 933 мың тонна картоп (орташа өнімділік – 242,4 ц/га), 2,2 миллион тоннаға жуық көкөніс (өнімділік – 299,8 ц/га), сондай-ақ 2,1 миллион тоннадан астам бақша дақылдарын (өнімділік – 275 ц/га) жинады.
Оған қоса, 358,1 мың тонна қырыққабат (өнімділік – 369,3 ц/га), 448,1 мың тонна пияз (409,9 ц/га), және 137,8 мың тонна сәбіз (314,7 ц/га) жиналды.
Егін жинау науқаны ұйымдасқан түрде және агротехникалық талаптарға сәйкес оңтайлы мерзімде жүргізілуде.
