Қазақстан Республикасының Экология және табиғи ресурстар министрі Ерлан Нысанбаев жұмыс сапары аясында Ақмола облысындағы Ақкөл орман мекемесіне барды, деп хабарлайды No-comment.kz - ҚР Экология және табиғи ресурстар министрлігіне сілтеме жасап.
Сапар барысында министр мекеменің қызметімен, орман питомнигінің және өртке қарсы станцияның жұмысымен, сондай-ақ орман өрттерін ерте анықтау жүйесін енгізу барысымен танысты.
Сапар қорытындысы бойынша Ерлан Нысанбаев өңірдегі орман шаруашылығының тиімділігін арттыруға, өртке қарсы инфрақұрылымды жетілдіруге және орман өсіруді дамытуға бағытталған бірқатар тапсырмалар берді.
