Тимофей Скатов Швецияда өтіп жатқан ATP 250 турнирінің негізгі кезеңіне өтті, деп хабарлайды No-comment.kz тілшісі Olympic.kz сайтына сілтеме жасап.
Қазақстандық теннисші іріктеу сайыстарының финалында әлемнің 153-ракеткасы, италиялық Андреа Пеллегринодан басым түсті.
Скатов қарсыласын 6:4, 6:1 есебімен тізе бүктірді.
Тағы бір қазақстандық Денис Евсеев іріктеу сайыстарының финалында франциялық Мануэл Гинармен ойнайды.
15-21 шілде аралығында өтетін Бостад додасының жүлде қоры 651 865 еуроға бағаланған. Жарыс жеңімпазы 88 125 еуроға қоса 250 рейтингілік ұпайға ие болады.
