Елдос Сайдалин жаттықтыратын бокстан Қазақстан әйелдер құрамасы Олимпиада қарсаңындағы маңызды жиындардың біріне кірісті, деп хабарлайды no-comment.kz тілшісі Olympic.kz сайтына сілтеме жасап.
Ұлттық құрама спортшылары Алматы облысындағы Жанашыр ауылында жаттығу жиынын өткізуде.
Мұндағы дайындық кезеңі 2 шілдеге дейін жалғасады.
Ал Олимпиада қарсаңындағы соңғы жиын да дәл осы базада ұйымдастырылады.
Айта кетелік, Қазақстан әйелдер командасы Париж Олимпидасына үш жолдама жеңіп алды. Олар: Назым Қызайбай (50 келі), Карина Ибригаимова (57 келі) және Валентина Хальзова (75 келі).
