Дзюдодан Алматыда өтіп жатқан Олимпиадаға іріктеу турнирінде Мағжан Шамшадин екінші белдесуінде де жеңіліс тапты, деп хабарлайды no-comment.kz тілшісі Olympic.kz сайтына сілтеме жасап.
Екінші айналымда Мағжан Шамшадин мен Нұрқанат Серікбаев белдескен болатын.
Аталған кездесуде "ваззари" ұпайымен Серікбаев жеңіске жетті. Осылайша, Шамшадин Олимпиадаға қатысатын мүмкіндіктен айырылды.
Ал шешуші белдесуде Нұрқанат Серікбаев пен Елдос Сметов белдеседі. Сол кездесуден соң Париж Олимпиадасына 60 келі салмақта кімнің қатысатыны анықталады.
