Аргентина құрамасының шабуылшысы Лионель Месси испаниялық «Барселона» сапындағы матчтар бойынша рекорд орнатты.
Испания чемпионатының 24-турында футболшы каталониялықтар сапындағы 506-шы матчын өткізді. Осылайша, Месси бұған дейін 505 ойын өткізген «Барселонаның» экс ойыншысы Хавиді озып, клуб рекордын жаңартты.
Сонымен қатар, Месси Ла Лигада пенальтиден 60 гол соққан екінші ойыншы болды. «Реал» сапында пенальтиден 61 гол соққан Криштиану Роналду бұл көрсеткішке алғашқы жеткен.
