Бокстан Таиландтың Бангкок қаласында өтіп жатқан Олимпиадаға іріктеу турнирінде Қазақстан құрамасының бір өкілі жарысты аяқтады, деп хабарлайды no-comment.kz тілшісі Olympic.kz сайтына сілтеме жасап.
Әйелдер арасында 54 келі салмақта бақ сынаған Ұлжан Сәрсенбек бірінші жекпе-жекте жеңілді. Ол америкалық қарсыласы Шер Мэй Патрисиоға жол берді.
Осылайша, қазақстандық боксшы турнирдің 1/8 айналымына өте алмады.
Айта кетелік, Ұлжан Сәрсенбек Астанада өткен спаррингтік турнирде топ жарып, лицензиялық жарысқа қатысу құқығын иеленген еді.
