Қазақстандық файтер Жалғас Жұмағұловтың UFC-дегі екінші жекпе-жегі шегерілуі мүмкін, - деп хабарлады Vesti.kz.
Осы жағдайға жақын дереккөз басылымға Жұмағұлов АҚШ-қа жұмыс визасын әлі ала алмағанын айтты. Спортшының өкілдері визаны жылдам алуға тырысып жатыр екен.
Швед Амир Албазиге қарсы жекпе-жек 28 қарашада Лас-Вегаста өтеді деп жоспарланған.
Екі файтер де шілдеде UFC-дегі дебютін өткізген болатын. Жұмағұлов төрешілер шешімімен жеңілсе, Албази жеңіске жеткен еді.
