«Астана» футбол клубы чехиялық маманға оның жұмысы үшін алғыс айтып, алдағы мансабына, соның ішінде Қазақстан ұлттық құрамасындағы жұмысына табыс тілейді.
Бас бапкердің міндетін «Питерборо» (Англия), «Вентспилс», «Рига», «Сконто» (бәрі – Латвия), «Ростов» (Ресей), «Саншайнз» (Нигерия) клубтарында бапкерлік қызмет атқарған, тәжірибесі мол маман Пол Эшуорт атқарады.
Эшуорттың «PRO» санатындағы бапкерлік категориясы бар. Оның басшылығында командалар УЕФА турнирлері аясында 30-ға жуық ойын өткізген.
Қазақстандық футболшыларға жақсы таныс чех маманы Михал Билек 2020 жылдың 14 қаңтарында «Астана» футбол клубының бас бапкері қызметіне тағайындалды. М.Билек өткен жылдан бері Қазақстан ұлттық құрамасын жаттықтырады, яғни құрама мен клубтағы жетекшілік қызметті қатар алып келді.
