Қазан қаласында өткен кәсіби бокс кешінде қазақстандық Фируза Шәріпова IBA нұсқасы бойынша бірінші орта салмақта Әлем чемпионы атанды деп хабарлайды KAZ.NUR.KZ порталы Sports.kz-ке сілтеме жасап.
Қазақстандық былғары қолғап шебері танзаниялық Хэппи Даудимен жұдырықтасты. Фируза алғашқы раундтан тізгінді қолға алып, соққыларын қарсыласына дәл тигізді. Аяғымен де жылдам қозғалған отандық спортшының қарқынына шыдас таныта алмаған Дауди бесінші раундта жекпе-жекті тоқтатуға мәжбүр болды. Осылайша кәсіби боксқа қайта оралған 25 жастағы Шәріпова қарсыласын техникалық нокаутпен жеңді. Ол 2019 жылдың сәуірінен бастап рингке шықпаған еді.
