Шымкент қаласында табиғи газбен жалпы 54 елді мекен қамтылған, 24 жартылай және 3 елді мекен қамтылмаған, деп хабарлайды қалалық әкімдіктің баспасөз-қызметі.
2023 жылы 9 нысанның (Қайнарбұлақ 1,2 кезек, Ынтымақ-2, Тұран, Асар-2, Сауле, Солтүстік саяжай, Бозарық 74 га, Нұртас) құрылыс жұмыстарына 5,6 млрд.теңге бөлініп, жыл қорытындысымен 6 нысанның құрылыс жұмыстары аяқталды (Тұран, Асар-2, Сауле, Солтүстік саяжай, Бозарық 74 га, Нұртас).
Нәтижесінде, 49 мыңға жуық адам табиғи газ жүйесіне қосылуға мүмкіндік алып, қамту деңгейі 94%-дан 96%-ға өсті.
Сонымен қатар, 2024 жылы 7 нысанның (Қайнарбұлақ 1,2 кезек, Ынтымақ-2, Тассай, Қаратөбе, Тәуелсіздікке 20 жыл, Қайтпас-1) құрылыс жұмыстарын жүргізуге бюджеттен 7,0 млрд.теңге жаспарланды. Құрылыс жұмыстары сәуір айынан басталды.
ШЫМКЕНТТЕ 54 ЕЛДІ МЕКЕН ТАБИҒИ ГАЗБЕН ҚАМТЫЛҒАН
