Арменияда премьер-министр Никол Пашинянның отставкасын талап ету жалғасып жатыр. Сенбіде елде ірі митинг өтті. Сол кезде оппозиционерлер Пашиняннан 8 желтоқсанға дейін орнын босатуды талап етті, - деп жазды Tengrinews.kz.
«Біз Пашинян командасымен осы мәселені талқылап және отставкаға кетуіне сейсенбі, 8 желтоқсан сағат 12.00-ге дейін уақыт береміз», - деді «Дашнакцутюн» партиясының өкілі Ишхан Сагателян премьер Пашинянның үйінің алдында өткен митингіде.
«Никол, бұл - сенің үкімет саяжайындағы соңғы сағаттарың», - деді Сагателян.
17 оппозициялық партия 10 қарашадан бері Ереванда митинг өткізіп, Никол Пашинянның отставкаға кетуін талап етіп жатыр.
