Бүгін аудан әкімі Жәнібек Ағыбаев аудан тұрғындарын жеке мәселелері бойынша қабылдады. Қабылдауға келген тұрғындар негізінен жұмысқа орналасу, жер, тұрғын үй және өзге де мәселелер бойынша жүгінді. Аудан әкімі әрбір тұрғынның мәселесін мұқият тыңдап, заңдылығына сәйкес тиісті жұмыстар атқарылатынын жеткізді. Осы тұрғындардың мәселесін қадағалап, байланыс жасап отыруды жауапты бөлім басшыларына тапсырды.
Қабылдауға Қошқатара ауылдық округінің бір топ тұрғындары келіп, спорт алаңы қажеттігін айтты. Аудан басшысы алдымен өзекті деген мәселелерді шешу үшін жүргізіліп жатқан жұмыстарды түсіндіріп өтті. Қажеттілікке сай, жоспар аясында тұрғындар сұранысы қанағаттандырылатынын жеткізді. Ерекше балаларды қолдау мақсатында оңалту орталығын салу үшін жер сұрап келген тұрғынның өтінішіне байланысты тиімді шешім қабылдау үшін жан-жақты жұмыс жасап, ұсыныстар әзірлеуді сала басшыларына жүктеді.
Жеке қабылдау қорытындысымен аудан әкімі тұрғындар тарапынан айтылған әр мәселе бойынша салалық орынбасарлары мен тиісті бөлім басшыларына тапсырмалар жүктеп, мәселелерді басты назарда ұстауды тапсырды, деп хабарлайды Келес ауданы әкімінің баспасөз қызметіне сілтеме жасаған no-comment.kz.
КЕЛЕС: ЖӘНІБЕК АҒЫБАЕВ ТҰРҒЫНДАРДЫ ҚАБЫЛДАДЫ
