«Халық қатысатын бюджет» жобасы аясында жергілікті бюджет есебінен қалалық ортаны дамыту бойынша өтінім қабылдау басталды. Алматылықтар бастамасы мен ұсынысын 30 наурызға дейін budget.open-almaty.kz порталы арқылы бере алады.
Мақсат — қала тұрғындарының ұсынысы негізінде Алматыны дамыту және абаттандыру. Ұсыныстар іріктеледі, дауыс беріледі, ал әкімдік ақша бөліп, жүзеге асырады. Бір жобаның ең жоғары құны 86,2 млн теңгеден аспауға тиіс. Карусельде қатысу шарттары жазылған.
Ақпаратты аудандық әкімдіктерден және Алматы әкімдігінің Open Almaty қоғамдық қабылдау бөлмесінен 224 39 29 (ішкі. 203), 1308 алуға болады.
Алматыда «Халық қатысатын бюджет-2023» жобасы басталды
