Бүгін Ақпараттық-коммуникациялық орталығында Шымкент қаласының энергетика және инфрақұрылымды дамыту басқармасы басшысының орынбасары Арман Әбдіхалықов брифингте айтты.
«Шымкентте бір тонна көмірдің бағасы 15100 БЕН 15300 теңге аралығында. Бүгінгі күнге көмірмен қамтамасыз ету мәселесі бойынша арыз-шағым түскен жоқ. Қазақстан темір жолы» Ұлттық компаниясы» АҚ-ның мәліметіне сәйкес, мамыр айынан бастап бүгінгі күнге дейін Шымкент қаласына 154,0 мың тонна көмір тасымалданған (2132 вагон). Көмір тасымалдаушы мекемелердің қоймасында 9,0 мың тоннадан астам көмір бар. Қалаға күнделікті 207-345 тонна (3-5 вагон) көмір келуде», - деді басқарма басшысының орынбасары.
Шымкент қаласының көмірге қажеттілігі 72 мың тонна.
Атап айтқанда:
• Бюджеттік мекемелерге (білім, денсаулық, спорт, мәдениет, жұмыспен қамту - 4,7 мың тонна) және дербес қазандықтарға («Қуатжылуорталық-3» МКК 1,1 мың тонна ) қажетті 5,8 мың тонна, толық қамтамасыз етілген (100%);
• Қала тұрғындарының көмірге қажеттілігі 66,1 мың тонна, жылу беру маусымына дейін көмір отынымен қамтамасыз етілуі бойынша тұрғын арасында түсіндірме жұмыстары жүргізілуде.
Шымкент қаласы бойынша ұсынылған өңірлік көмір операторларының тізбесі келесідей: ЖК «Пернебаев», «Азамат Мунай» ЖШС, ЖК «AVZ - NRADE», ЖК «Куралбаев», ЖК «Arganat», «Алтынколь Терминал» ЖШС, ЖК «Қошжанов», «Vip-M» ЖШС, «РеалТранс-К» ЖШС.
Қалада 484 бюджеттік мекеме бар. Олар 99% дайын.
Қала тұрғындарының көмірге қажеттілігі 66 мың тонна, бүгінгі күнге дейін қалаға 114,0 мың тонна көмір тасымалданған, қоймаларда 25 мың тонна көмір қоры бар. Инфрақұрылым жүйелерінің дайындығы 90 пайызды құрап отыр.
Қала әкімі М.Әйтенов қыс мезгілінде тұрақты және сапалы жылу берудің маңыздылығына тоқталып, тиісті сала басшыларына есептегі сандық көрсеткіштерді жіті тексеріп, істен шығу қауіпі бар нақты нүктелерді анықтауды тапсырды.
Аяқталмаған күрделі жөндеу жұмыстарын қадағалап, қыркүйектің соңына дейін аяқтауды жүктеді.
Сондай-ақ, шаһарымыздың қыс мезгіліне дайындығы бойынша қала басшысы бүгін "ОНС-Моторная" сорғы станциясына барды. Ондағы жөндеу жұмыстары барысымен танысып, тиісті сала мамандарымен дайындық жұмыстарын талқылады.
Шымкент қаласының "Оңтүстік" бөлігінің тұтынушыларын "ТЭЦ-3" жылу қуатымен қамтамасыз етеді. Оның ішінде 836 көпқабатты тұрғын үй, 51 білім, 8 денсаулық сақтау, 4 құқық қорғау органдарының нысаны бар.
"ОНС-Моторная" сорғы станциясы 2007 жылы қолданысқа берілген. 2 дана Д-1250-125YXЛ 3,1 маркалы және 3 дана СЭ-2500-180-10 электрсорғылары орнатылған.
Шымкенттіктер биыл көмірді 7 жерден сатып ала алады.
1. ЖК «Пернебаев» - Қызылсай темір жол станциясы
2. ЖК «Құралбаев» - Қызылсай темір жол станциясы
3. «Азамат Мұнай» ЖШС - Қойкелді батыр көшесі, номерсіз
4. ЖК «AVZ-NRADE» - Сайрам тұрғын алабы, Яссауи көшесі, 650
5. ЖК «Arganat» - Клара-Цеткина көшесі, 159
6. «VIP-M» ЖШС - Қойкелді батыр көшесі, номерсіз
7. ЖК «Қошжанов» - Момынов көшесі, 26
Байланыс нөмірлері:
54-96-54
8775 833 31 38 (Әл-Фараби ауданы)
53-03-20
87071638292 (Абай ауданы)
43-31-09
8702 670 33 00 (Еңбекші ауданы)
77-46-18
8771 828 40 74 (Қаратау ауданы)
ШЫМКЕНТТЕ КӨМІРДІҢ БАҒАСЫ 15100 БЕН 15300 ТЕҢГЕ АРАЛЫҒЫНДА
