Үшінші мегаполисте қала орталығынан шалғай орналасқан білім беру мекемелерінің жанында қауіпсіздікті сақтау бойынша бірқатар жұмыс атқарылды. Атап айтқанда Бозарық тұрғын алабы мен Бозарық саяжайында орналасқан білім беру мекемелерінің қасынан өтетін жолдың бойында Қаратау аудандық әкімдігі мен полиция департаментінің мамандары қауіпсіздік белгілерін, жылдамдық кедергісін орнатты, жаяу жүргіншілер жолағын сызды.
Ұлағат көшесінің бойындағы №57 мектептің алдынан ауыр жүк көліктерінің жүруіне тыйым салу мақсатында жол белгілері және жасанды жол кедергісі орнатылды. Сонымен қатар, Ұста-Мухамад, Бостандық көшелеріне 8 аялдама орнатылды. Қазіргі таңда тұрғын алабтағы орталық көшелермен ауыр жүк көліктерінің жүруіне тыйым салынған. Тиісті жол белгілері орнатылып, полиция қызметкерлері кезекшілік етуде.
Айта кететін, мұнда 1,4 шқ электр желісі, 1,2 шқ газ, 1,3 шқ ауыз су құбырлары, 0,8 шқ кәріз жүйесі тартылуда. Қазірге дейін барлық жұмыстардың 30% орындалды. Келесі жылы ауыз мен көгілдір отын тарту жұмысы толық аяқталады.
Сонымен қатар 2020 жылы басталған жолдардың құрылысы 50%-ға салынып, қалған жартысы келесі жылы толығымен бітеді.
Тексеру барысында мердігер мекеме басшыларына жұмыстың сапасы сын көтеретіндей болсын дегенді қайталап айтқан қала әкімі М.Әйтенов жауапты басқарма басшыларынан шаһарда салынып жатқан әрбір нысанның мерзімінен кешіктірілмеуін де талап етті.
Шымкент қаласы Бозарық-3 шағын ауданындағы Шымкент қаласының ауыр атлетикадан олимпиадалық резервін дайындайтын балалар мен жасөспірімдердің мамандандырылған спорт мектебінің жанынан қосымша тағы спорт мектебі салынуда.
Аумағы - 0,3200 га. Жобаға сәйкес - нысанда бір ауысымда 10-нан 23 жас аралығындағы 100 оқушы жаттыға алады. Бірінші қабатта - ауыр атлетика залы (олимпиадалық штанга 190кг. 180 кг., тренажерлер), киім ауыстыру бөлмелері, жуынатын бөлмелер (ерлер - 64 орын, әйелдер - 36 орын), тренерлер бөлмесі, 16 орынға арналған асхана, медпункт, жұмысшылар мен қызметшілер бөлмелері болады. Ал, екінші қабатта - әмбебап спортзал (күрес, греко-рим күресі кілемдері, дзюдо татамиі, бокс рингі), жұмысшылар мен қызметшілер бөлмелері, жуыну және киім ауыстыру бөлмелері қарастырылған.
Құрылыс жұмыстары 2023 жылы ақталады.
Шымкентте биыл бұқаралық спортты дамыту мақсатында «Шымкент жастар лигасы» екінші рет ұйымдастырылды. Өткен жылы 140 мектеп қатысқан болса, биылғы жылы спорттың 4 түрінен 151 мектептен 6 мыңға жуық оқушы қатысты.
Спорт инфрақұрылымын дамыту мақсатында «Металлург» стадионын реконструкциялау, №12 спорт мектебі ғимаратына қосымша құрылыс және Бозарық шағын ауданында ауыр атлетика спорт кешені, «Медициналық колледжі» спорт залының құрылысы жүргізілуде.
Сонымен бірге, жеке инвесторлар есебінен «Ипподром» және «Үстел теннисі орталығының» құрылысы жүріп жатыр.
БАЛАЛАР ЖОЛДАН АЛАҢДАМАЙ ӨТЕДІ
