Қазақстанда жер қойнауын ұтымды және кешенді пайдалануды қамтамасыз етуге және елдің геологиялық зерттелуін арттыруға шамамен, 7 млрд теңге жоспарланған, деп хабарлайды Azattyq Rýhy тілшісі LS-ке сілтеме жасап.
ҚР Экология, геология және табиғи ресурстар министрлігінің бір жылға арналған қаржыландыру жоспарына сәйкес, 6,32 млрд теңгенің басым бөлігі өңірлік, геологиялық-түсіру, іздеу-бағалау және іздеу-барлау жұмыстарына жұмсалады. Оның ішінде мемлекеттік міндеттемелерге 6,29 млрд теңге тиесілі.
Сондай-ақ, 404,8 млн теңге минералдық-шикізат базасы мен жер қойнауын пайдалану, жерасты сулары мен қауіпті геологиялық процестер мониторингіне бөлінеді.
Ал иесіз мұнай-газ және өздігінен төгілетін гидрогеологиялық ұңғымаларды жоюға және консервациялауға 252,4 млн теңге қажет.
