Шымкент қаласы әкімінің өкіміне сәйкес, 2022-2023 жылғы жылыту маусымы 20 қазаннан басталады.
Айта кетейік, әуелі аурухана, балабақша мен мектеп сияқты әлеуметтік маңызы бар ғимараттар жылумен қамтамасыз етіледі.
Сондай-ақ, қаладағы орталықтандырылған жылу жүйесіне қосылған 1987 көпқабатты тұрғын үйдің барлығы жылыту маусымына дайын.
15 жылу қазандықтар мен 17 сорғы стансалар да толық дайын.
19,4 шақырым жылу жүйелеріне ағымдағы жөндеу жұмыстары толығымен аяқталған.
Қаламызда көмір қоры жеткілікті.
Қазіргі таңда Шымкент қаласында көмірге қажеттілік 66 мың тоннаны құрауда. Алайда, жақын маңда орналасқан елдімекендердің де қысқы отынды қаламыздан келіп алуын ескерген жөн. Осы кезге дейін шаһарға 116,1 мың тонна көмір тасымалданды. Қоймаларда 25 мың тонна көмір бар.
1 тонна көмірдің бағасы 14 750 - 15 100 теңге аралығында сатылымда екенін хабарлаймыз!
Құрметті қала халқы!
Қыс - қыр астында. Қыркүйек айының соңы да таяп қалды. Осы сәттен бастап, жылыту маусымына қамданыңыздар.
Күн суығанда азаматтардың көмірді жаппай сатып алуы көбейеді. Кезекке тұрып, күнұзақ күтіп қалуыңыз бек мүмкін. Мұндай жағдай орын алмауы үшін осы сәттен бастап тұрғындарды көмір алуға шақырамыз.
Жылу жүйелерінің тозу деңгейін төмендету мақсатында 19,4 км жылу жүйелеріне ағымдағы жөндеу жүргізіліп, бүгінге дейін 97% орындалды.
1987 көпқабатты тұрғын үйдің 93,7% яғни, 1863 үй жылыту маусымына дайын. 124 көпқабатты тұрғын үйде жұмыстар жалғасуда.
Қалада 484 бюджеттік мекеме бар. Олар 99% дайын.
Қала тұрғындарының көмірге қажеттілігі 66 мың тонна, бүгінгі күнге дейін қалаға 114,0 мың тонна көмір тасымалданған, қоймаларда 25 мың тонна көмір қоры бар. Инфрақұрылым жүйелерінің дайындығы 90 пайызды құрап отыр.
Қала әкімі М.Әйтенов қыс мезгілінде тұрақты және сапалы жылу берудің маңыздылығына тоқталып, тиісті сала басшыларына есептегі сандық көрсеткіштерді жіті тексеріп, істен шығу қауіпі бар нақты нүктелерді анықтауды тапсырды.
Аяқталмаған күрделі жөндеу жұмыстарын қадағалап, қыркүйектің соңына дейін аяқтауды жүктеді.
Сондай-ақ, шаһарымыздың қыс мезгіліне дайындығы бойынша қала басшысы бүгін "ОНС-Моторная" сорғы станциясына барды. Ондағы жөндеу жұмыстары барысымен танысып, тиісті сала мамандарымен дайындық жұмыстарын талқылады.
Шымкент қаласының "Оңтүстік" бөлігінің тұтынушыларын "ТЭЦ-3" жылу қуатымен қамтамасыз етеді. Оның ішінде 836 көпқабатты тұрғын үй, 51 білім, 8 денсаулық сақтау, 4 құқық қорғау органдарының нысаны бар.
"ОНС-Моторная" сорғы станциясы 2007 жылы қолданысқа берілген. 2 дана Д-1250-125YXЛ 3,1 маркалы және 3 дана СЭ-2500-180-10 электрсорғылары орнатылған.
Шымкенттіктер биыл көмірді 7 жерден сатып ала алады.
1. ЖК «Пернебаев» - Қызылсай темір жол станциясы
2. ЖК «Құралбаев» - Қызылсай темір жол станциясы
3. «Азамат Мұнай» ЖШС - Қойкелді батыр көшесі, номерсіз
4. ЖК «AVZ-NRADE» - Сайрам тұрғын алабы, Яссауи көшесі, 650
5. ЖК «Arganat» - Клара-Цеткина көшесі, 159
6. «VIP-M» ЖШС - Қойкелді батыр көшесі, номерсіз
7. ЖК «Қошжанов» - Момынов көшесі, 26
ШЫМКЕНТТЕ ЖЫЛЫТУ МАУСЫМЫ 20 ҚАЗАНДА БАСТАЛАДЫ
