Супабеков Жамшид Әлиұлы – Шымкент қаласы әкімдігінің шаруашылық жүргізу құқығындағы «Су құбыры және канализация басқармасы» мемлекеттік коммуналдық кәсіпорнында апатты қалпына келтіру жұмыстары учаскесінде слесарь болып еңбек етіп жүрген білікті маман. Ол өз ісіне тиянақтылығы, жауапкершілігі және тәжірибесімен ұжым арасында үлкен құрметке ие болып отыр. Күнделікті жұмысында су жүйелеріндегі ақауларды жою, апатты жағдайларда жедел әрекет ету, тұрғындардың үздіксіз сумен қамтылуын қамтамасыз ету секілді маңызды міндеттерді атқарады. Бұл жұмыс жоғары кәсіби шеберлікті, төзімділікті және жылдам шешім қабылдау қабілетін талап етеді.
Супабеков Жамшид Әлиұлы 1979 жылы Өзбекстан Республикасы, Ташкент облысы, Піскент ауданында дүниеге келген. 1986–1996 жылдары Ленизм атындағы №14 мектепте білім алып, сол кезеңде еңбекқорлық пен тәртіпке үйренді. Жастайынан отбасына қолғабыс көрсетіп, жауапкершіліктің мәнін түсініп өсті. 2007 жылы отбасын құрып, бір жылдан кейін, 2008 жылы Қазақстан Республикасының Шымкент қаласына қоныс аударды. Жаңа ортада жаңа өмір бастау оңай болмағанымен, ол табандылығының арқасында тез бейімделіп, еңбек жолын жалғастырды.
2012–2021 жылдар аралығында «Су ресурстары – Маркетинг» ұйымында су құбыры жабдықтарындағы насос қондырғысының машинисті қызметін атқарды. Бұл салада жұмыс істеу үлкен жауапкершілік пен техникалық білімді талап етеді. Жамшид Әлиұлы осы қызметінде өзіне жүктелген міндеттерді жауапкершілікпен орындап, кәсіби тұрғыдан шыңдалды. Насостардың үздіксіз жұмысын қамтамасыз ету, жабдықтардың ақауларын анықтау және жөндеу жұмыстары – оның күнделікті атқаратын міндеттері болды. Осы кезеңде ол ұжым арасында сенімді маман ретінде танылды.
2022 жылдан бері Шымкент қаласы әкімдігінің шаруашылық жүргізу құқығындағы «Су құбыры және канализация басқармасы» мемлекеттік коммуналдық кәсіпорнында апатты қалпына келтіру жұмыстары учаскесінің слесарі болып абыроймен еңбек етіп келеді. Бұл жұмыс тәулік уақытына қарамай жедел әрекет етуді қажет етеді. Қала тұрғындары үшін су жүйесінің үздіксіз жұмыс істеуі өте маңызды, ал Жамшид Әлиұлы осы бағыттағы ең қажетті мамандардың бірі саналады. Әріптестері оны сабырлы мінезі, жұмысқа деген адалдығы және қажетті сәтте көмек көрсетуге дайын тұратын қасиеті үшін ерекше бағалайды.
Жамшид Әлиұлының жеті жылдық тәжірибесі оның кәсібіне деген адалдығын, еңбекқорлығын және жоғары жауапкершілігін дәлелдейді. Ол жұмыс барысында техника қауіпсіздігі қағидаларын қатаң сақтап, әрбір істі сапалы орындауға тырысады. Апатты жағдай кезіндегі жедел әрі дұрыс қабылданған шешімдер – мыңдаған тұрғынның тұрмыс сапасына тікелей әсер ететінін жақсы түсінеді.
Отбасында да өнегелі азамат. Үйде сүйікті жар, бала тәрбиесіне көңіл бөлетін әке ретінде құрметке ие. Жамшид Әлиұлы балаларына еңбектің қадірін түсіндіріп, адалдық пен жауапкершілікке баулиды. Оның өмірлік ұстанымы – «Еңбекке адалдық – абыройдың бастауы».
Осындай еңбекқор азаматтар – қаланың дамуына үлес қосып, қоғамға нақты пайда әкеліп жүрген шынайы еңбек майталмандары. Жамшид Әлиұлының еңбек жолы – жас мамандарға үлгі, ал оның адалдығы мен табандылығы құрметке лайық.
