Ұлытау облысында ұлттық экологиялық бастама «Таза Қазақстан» акциясы аясында ағаш отырғызу акциясы өтуде. Іс-шараның мақсаты – тұрғындарды қоршаған ортаны қорғауға шақыру, экологиялық мәдениетті арттыру және туған өлкеге қамқорлық жасауды дәстүрге айналдыру, деп хабарлайды No-comment.kz - Ұлытау облысының әкімдігіне сілтеме жасап.
Жезқазған қаласында «Таза қала» акциясы аясында жастар, еріктілер мен қала тұрғындарының қатысуымен Алашахан даңғылы мен «Наурыз» саябағында ағаш отырғызу жұмыстары жүргізілуде.
Сәтбаев қаласының жастары мен «Таза Сәтбаев» волонтерлік ұйымының мүшелері экологиялық акцияға белсене қатысып, қаланың тазалығына өз үлестерін қосты. Бұл жолы қатысушылар қаланың орталық бөліктерінде қоқыс жинап, арамшөптерді тазалады.
«Таза Қазақстан» республикалық акциясы аясында 2025 жылдың басынан бері 10 облыстық және 15 қалалық сенбілік өткізілді. Бұған қоса, апта сайын қала мен аудандарда «Таза бейсенбі» шарасы өткізіліп келеді.
Жыл басынан бері «Таза Қазақстан» акциясы аясында Ұлытау облысында 14 мыңнан аса ағаш егілді.
