«Таза Қазақстан» аясында бүгін Қазақстан Республикасы Экология және табиғи ресурстар министрлігінің қызметкерлері аумақты тазарту бойынша экологиялық акцияға қатысты, деп хабарлайды No-comment.kz - ҚР Экология және табиғи ресурстар министрлігіне сілтеме жасап.
Іс-шара Астана қаласының орталық мешітінің аумағында өтті, онда іргелес аумақты жинау ұйымдастырылды.
Апта сайынғы «Таза Қазақстан» аясында аумақты тазарту бойынша акцияға қатысу Министрлік қызметкерлері үшін жақсы дәстүрге айналды. Экологиялық акцияларға қатысу – бұл тек қоғамдық игілікке ғана емес, сонымен бірге жеке ыңғайлылыққа да үлес. Бірлескен акциялар ұжымның корпоративтік рухын нығайтады.
Сондай – ақ, «Таза Қазақстан» бір реттік сенбіліктер шеңберінен шығып, елді экология мен қалалық ортадан бастап қоғамдық қатынастар мәдениетіне дейін тазартуға бағытталған ұзақ мерзімді қозғалыс ретінде қабылданатынын атап өтеміз. Ағымдағы жылы республика бойынша бастаманы іске асыру аясында бір мыңға жуық экологиялық іс-шаралар өткізілді, нәтижесінде 589 мың тонна қалдықтарды жиналып, 885 мың гектардан астам аумақты тазартылып, 4 млн-ға жуық ағаш отырғызылды.
Әр қатысушыға белсенді ұстанымына, табиғатты сақтауға қосқан үлесіне және еліміздің болашағына шынайы қамқорлығына алғысымызды білдіреміз. Жауапкершілікпен және қоршаған әлемге деген сүйіспеншілікпен жасалған қарапайым әрекеттер де үлкен өзгерістердің негізі бола алады.
