Спикер хабарлағандай, 2025 жылғы 1 тамыздағы жағдай бойынша 4,2 млн қызмет, оның 2,8 млн электронды түрде көрсетілді, 1,2 млн – белсенді, сондай-ақ 1,4 млн – офлайн форматта.
«2025 жылдың бірінші жартыжылдығында 2 жаңа мемлекеттік қызмет автоматтандырылды: кәмелетке толған әрекетке қабілетсіз азаматтарға қорғаншылық немесе қамқоршылық белгілеу, сондай-ақ мұндай азаматтардың мүлкі мен төлемдеріне билік етуге рұқсат беру. Ақпаннан тамызға дейін осындай 1400-ге жуық қызмет көрсетілді. Сонымен қатар eGov mobile қосымшасында «Қамқоршылықты белгілеу туралы мәліметтер» сандық құжаты пайда болды. Бүгінде қосымшада әлеуметтік саланың 35 қызметі мен 8 цифрлық құжаты бар», – деді ведомствоның вице-министрі.
Электрондық еңбек биржасында жұмысқа орналасудың ашықтығы мен ыңғайлылығын арттыру үшін: еңбек мигранттары және кәмелетке толмағандармен электрондық еңбек шарттары, электрондық ұжымдық шарттар енгізілді. Сондай-ақ қызметкердің жеке кабинетінде аурухана парақтарын алу және қарау мүмкіндігі іске асырылды. Әлеуметтік қызметтер порталын дамыту шеңберінде жаңа функциялар енгізілді: ым тілі аудармашысының және жеке көмекшінің қызметтеріне пікірлер, сондай-ақ егер өнім беруші тауарды 3 күн ішінде бермесе, тапсырыстың автоматты түрде жойылуы, шипажай-курорттық емделуге келгенін смс арқылы растау іске асырылды. Сондай-ақ жеткізу енгізіліп, Яндекс-арқылы жеткізу пилоты қолға алынды. Aleumet қосымшасында келуді растау GPS арқылы жүзеге асырылады.
