Қазақтың ұстаздық-тәлімгерлік (педагогикалық) ұлағатын әлемдік деңгейге көтерген, қазақ даласында білімнің шырағын жаққан, бар ғұмырын қазақ балаларын оқыту жолында өткізген, ағартушы, педагог, жазушы, қоғам қайраткері Ыбырай Алтынсаринның туғанына 180 жыл толуына орай кітапханамыз «Ұлы ұстаз – Ыбырай» тақырыбында әдеби кеш өткізді, деп хабарлайды Әл-Фараби атындағы қалалық ғылыми-әмбебап кітапханасы.
Шара барысында қазақ балалар әдебиетінің атасы, әңгіме жанрының
негізін салушы Ыбырай Алтынсариннің жастарды еңбекті сүюге, оқу өнерге ұмтылуға, Отанын, елін сүйетін патриоттық сезімге, талапты, жігерлі, кішіпейіл болуға үндеген «Қазақ хрестоматиясына» енген әңгіме - новеллаларынан үзінділер оқылды.
