Мәжіліс депутаты, “Nur Otan” фракциясының мүшесі Берік Бекжанов Шымкенттегі Қонаев даңғылы жалғасының құрылыс алаңында болып, жұмыс барысымен танысты, деп хабарлайды Nur Otan партиясының Шымкент қалалық филиалына сілтеме жасаған No-comment.kz
Қаладағы ең ірі құрылыс нысанында болған халық қалаулысымен бірге Шымкент қаласы мәслихатының депутаты Наргиза Керімбаева, Әл-Фараби ауданы әкімінің орынбасары Алдияр Мұсабаевта барды.
Аталған нысан бойынша құрылыстың бірінші, екінші кезеңі аяқталған.
Қазіргі таңда құрылыстың үшінші кезеңі қарқын алған. Жол құрылыс жұмыстары 2019 жылы басталған. Мердігер компания «Корпорация Сити-Строй» мекемесіне магистрал жол болатын нысанды 2021 жылдың соңына дейін аяқтау міндеті тапсырылған. Нысанның жалпы ұзындығы 1 714 метрді құрайды.
Стратегиялық маңызы бар Қонаев даңғылы жалғасының құрылысы «Nur Otan» партиясының жіті бақылауында.
