Ш.Уәлиханов көшесінде орналасқан тұрғын-үйлерге тартылып жатқан судың жұмыс барысын бақылап, ондағы қауіпсіздік шараларымен танысып, қазылған жерлерде қызмет етіп жүрген жауапты адамдарға қараусыз қалдырмай, балалардың қауіпсіздігін барынша сақтауға міндеттеп, сақтық үшін қоршауға алуды тапсырдым. Бұл туралы Шымкент қаласы Еңбекші ауданының әкімі Досбол Есілбек әлеуметтік парақшасында жазба қалдырған, деп хабарлайды «no-comment» ақпараттық агенттігі.
Еңбекші ауданының әкімі: жаңадан басталғалы тұрған саябақтың жұмысын да көріп қайттым. Ондағы жауапты мекеме басшыларына тұрғындардың тыныштығы бұзылмауын тапсырып, жан-жақты түсіндірме жұмыстарын жүргізуді пысықтадым.
Сондай-ақ, ауданда орналасқан біршама балаларға арналған ойын алаңшаларының бүлдіршіндерге жарамдылығын, көшедегі техникалық қауіпсіздіктерді аралап шықтым.
