Оның айтуынша, сатып алу рәсімдерінің созылып кетуін болдырмау мақсатында қорытындыларды қайта қарау жөніндегі функция сатып алуды ұйымдастырушыға берілді. Бұл шешім оң нәтиже көрсетті. Мәселен, өткен жылдың алғашқы тоқсанында сатып алу қорытындыларына 9,5 мың шағым түскен болса, ағымдағы жылы бұл көрсеткіш 8,5 мыңға дейін төмендеді. Олардың 70-і сот органдарына жіберілді.
Вице-министрдің айтуынша, сатып алу рәсімдерін жетілдіру жұмысы әлі де жалғасын табады. Осы орайда «Атамекен» ҰКП-мен тығыз ынтымақтастық орнатылды. Кәсіпкерлер салаға қатысты өз ұсыныстарын жолдай алады.
«Сондай-ақ бізде жұмыс тәжірибесі деген реестр бар. Бұл – әлеуетті өнім берушілерді таңдаудағы факторлардың бірі. Қазір осы реестрді одан әрі жетілдіріп жатырмыз. Сонымен қатар, «Самұрық – Қазына» қоры, квазимемлекеттік сектор және біздің сатып алуларды бір платформаға біріздендіру жұмысы жалғасуда. Биыл бірыңғай сатып алу порталын енгіздік», – деп түйіндеді спикер.
