Оның айтуынша, 13 наурыз күні Талдықорған қаласында 9-сынып оқушысы жолға мопедпен шығып, жеңіл көлікпен соқтығысты. Бұл апатта кәмелетке толмаған бала көз жұмды.
«Жол апаттарының негізгі себебі – бұл мопедистердің жазасыздығы. Сондай-ақ бұл бұзушылықтар үшін ең төменгі айыппұлдар салынатын болатын. 2024 жылы тәртіп орнату үшін «Жол жүрісі туралы» заңға өзгерістер енгізіліп, мопедтер механикалық көлік құралдарына теңестірілді. Егер бұрын жол жүрісі қағидаларын бұзғаны үшін мопед жүргізушілері ӘҚБтК-нің 615-бабы бойынша 2 АЕК айыппұл төлейтін болатын. Жол қозғалысына өзге де қатысушылар ретінде жауапкершілікке тартылып отырады. Ал, енді 2025 жылғы 5 сәуірден бастап мопед жүргізушілері механикалық көлік құралдарының жүргізушілеріне жүктелген жауапкершіліктің барлық спектрін көтеретін болады», – деді спикер.
Мысалы, бағдаршамның тыйым салу сигналына өткен үшін мопед жүргізушісіне 10 АЕК мөлшерінде айыппұл салынады. Мопедті мас күйінде басқару 15 тәулікке әкімшілік қамауға алуға және 7 жыл мерзімге көлік құралын басқару құқығынан айыруға әкеп соғады. Сондай-ақ, мопедтерді жүргізу үшін А, А1 немесе В санаттарындағы жүргізуші куәлігі қажет. Бүгінгі таңда 24 мыңнан астам мопед тіркелді, 2 мыңнан астам А және А1 санатты жүргізуші куәлігі берілді.
Бұдан бөлек, Қ.Сұлтанбаев электросамокаттарды пайдалануға қатысты ақпарат берді. Маусым ашылғаннан қазіргі уақытқа дейін 1,5 мыңға жуық бұзушылық анықталды, электр скутерлерін пайдаланушылардың қатысуымен тіркелген жол көлік оқиға және зардап шеккендер бар. Электросамокаттардың жүргізушілері велосипед жолымен, ал ол болмаған кезде жолдың жүріс бөлігінің оң жақ жиегімен, оның ішінде маршруттық көлік құралдарына арналған жолақпен қозғалады. Жүру бөліктеріне жүргізуші куәлігі бар және міндетті түрде мотошлем киген 18 жастан асқан адамдар жіберіледі. Тротуарда жүруге рұқсат етіледі, бірақ бұл жерде жаяу жүргіншінің тротуарда басымдыққа ие, яғни электросамокаттардың жүргізушісі жаяу жүргіншілердің қозғалысына қауіп төндірмеуі керек.
