Кездесу барысында Kazakh Tourism басшысы Қайрат Сәдуақасов кино арқылы туризмді ілгерілетудің маңыздылығын атап өтті. Бұл елдің бай мәдениеті мен табиғи ландшафттарының алуан түрлілігін ғана емес, тарихи мұрамызды да паш етуге жол ашады. Компания басшысы Қазақстанның тартымды туристік бағыт ретінде танымалдығының артуына ықпал ететін туризм елшілерінің рөлін де атап өтті. Құрметті миссияны қазақстандық қоғам қайраткерлерімен қатар шетелдік азаматтар да атқарады.
«Қазақстан – бұл шексіз дала мен керемет табиғи пейзаждар ғана емес, сонымен қатар бірегей дәстүрлер, қонақжайлық, бай тарих және халықтың ерекше рухы. Мен фильмдер арқылы әлемді еліміздің бай мұрасымен таныстыруды мақсат тұттым. Енді менің кәсіби қызметім жаңа бағытқа ие болды. Бұл – үлкен жауапкершілікпен және елге қызмет ету құрметіне тікелей байланысты. Менің жоспарым — Қазақстанға фильмдерді бірлесіп шығару үшін Үндістан мен Голливудтан продюсерлерді тарту. Бұл екі кино нарығы әлемдік индустрияда жетекші орын алады. Мен осы процестің бір бөлігі бола алатынымды және әлемге Қазақстанды ашуға көмектесетінімді мақтан тұтамын», – деп атап өтті продюсер.
Продюсер Надира Ахонова киноиндустриядағы өзінің халықаралық тәжірибесі мен байланыстары негізінде отандық туризмді тегін ілгерілетеді. Ол әлемдегі ең ірі медиа компаниялармен және Голливуд студияларымен байланыс орнатқан. Қазақстандық нәзік жан «Эмми» (Genetic Passport), «Telly» (My Kazakhstan, Bloomberg Media) және «Best Feature Film» (the steed, Сан-Диего) сыйлықтарының лауреаты. Ол Канн кинофестиваліне Discommunication фильмімен және өзінің Seven Rounds жобасымен қатысты. Надира Bloomberg, SABC, Ұлыбританияның 24 арнасы, HBO, PPTV, France 24, SVT, YLE, DR, CGTN, CNA, Sunday Times, NY Times және басқа да жетекші әлемдік арналардың жаңалықтар репортаждары мен деректі фильмдерінің продюсері болды.
Қазір ол CNA бірлесе «Саламатты Қазақстан» жобасы туралы «Reaching the Unreached» деректі фильмінде еңбек етеді. Оның премьерасы Астанада немесе Алматыда болуы мүмкін. Сондай-ақ, фильмді халықаралық фестивальдарда көрсету жоспарланып отыр.
