Көктемнің алғашқы күні - Алғыс айту мерекесі қарсаңында Түркістанда тал егу шарасы өтті, деп хабарлайды No-comment.kz ақпараттық агенттігі.
Бекзат саябағында өткен шараға Түркістан облысының әкімі Нұралхан Көшеров пен құқық қорғау органдарының өкілдері, зиялы қауым, этномәдени бірлестіктердің өкілдері, кәсіпкерлер мен қала тұрғындары және белсенді жастар қатысты.
Сенбілік аясында 1500 адам тазалық жұмыстарына қатысып, 32 техника жұмысқа тартылып, жалпы көлемі 100 тоннаға жуық қоқыс тазаланды. Сонымен қатар, 5130 түп ағаш көшеттері отырғызылып, қала көшелерін көгалдандыру жұмыстары жүргізілді.
Тазалық жұмыстары Отырар тұрғын алабына қарасты 33 көшеде, сондай-ақ Тікұшақ алаңы мен саябақтарда жалғасты.
