«Өнеркәсіп көлемі 2,6 трлн теңгені құрады. Тау-кен өнеркәсібінде 9,7% - ға айтарлықтай өсім қамтамасыз етілді. Одан әрі дамыту үшін Qarmet Лисаковск филиалын жаңғырту бойынша жобалау алдындағы жұмыстар жүргізілуде. Жоспарланған инвестиция көлемі 123 млрд теңгені, қуаты-жылына 2,5 млн тоннаны құрайды. Осылайша, өндірілген өнім көлемі 2,5 есе артады. Өңдеу өнеркәсібінде, атап айтқанда, машина жасауда 90 мыңнан астам автомобиль өндірілетін болады. Біз өндірілетін автомобильдердің санын көбейтіп қана қоймай, шығарылатын модельдер қатарын кеңейтеміз», – деді әкім.
Бұған инвестициялық жобаларды іске асыру ықпал етеді. Мысалы, тек автоөнеркәсіпте ағымдағы жылы 4 жоба іске асырылды: «HONGQI» және «SKODA» автомобильдерін өндіру; «Chevrolet Enix» автомобильдерін шағын тораптық өндіру-33,7 млрд теңге инвестиция, 30 мыңнан астам бірлік өндіріледі, 400 жұмыс орны ашылады; пластикті бояу цехы-6,7 млрд теңге инвестиция, 100 жаңа жұмыс орындарын, 64 мың түрлі көлік бірлігін бояйды.
Мемлекет басшысының елдің берік өнеркәсіптік қаңқасын қалыптастыру жөніндегі тапсырмасын орындау мақсатында Қостанай облысында өңірдің инвестициялық тартымдылығын арттыру бойынша жұмыстар жүргізілуде. Есепті кезеңде экономикаға 10,7% өсіммен шамамен 500 млрд теңге инвестицияланды, оның 77%– ы жеке инвестициялар. Сонымен қатар соңғы 2 жылда өңірге 1 млрд АҚШ долларынан астам тікелей шетелдік инвестициялар тартылды. Бұл қаражаттың негізгі бөлігі жаңа индустриялық және инновациялық жобаларды іске асыруға бағытталған. Биыл 2 зауыт іске қосылды: шойын құю зауыты (78,2 млрд теңге, 500 жұмыс орны) және жылжымалы теміржол құрамы үшін серіппелер өндірісі.
«Корея Республикасынан тыс алғашқы бірлескен кәсіпорын - «KIA» зауыты рекордтық қысқа мерзімде, яғни 1,5 жылда салынады. 2023 жылдың қарашасында зауыт құрылысы басталды, ал алғашқы көлік 2025 жылдың жазында конвейерден шығады. Жобаның қуаттылығы – жылына 70 мың автомобиль; 90 млрд теңгеден астам инвестиция тартылды. Бұл өнідірс 1,5 мың жұмыс орнын ашады. Осылайша, Қостанай облысында автомобиль шығаратын 2 ірі зауыт болады. Бұл өңірге еліміздегі автомобиль жасау орталығы болуға мүмкіндік береді», – деп атап өтті Құмар Ақсақалов.
Сондай-ақ ағымдағы жылы автокомпоненттер шығаратын зауыттың құрылысы басталды. Орындықтар, пайдаланылған газдарды бұру жүйелері, кузовтың пластикалық элементтері, электр сымдары шығарылады. Жылына 60 мыңға жуық жиынтықтаушы өндіріледі, жобаға 17,8 млрд теңге инвестиция тартылды.
Келесі жылы жүк автомобильдеріне қажетті жабдық шығаратын зауыт құрылысы аяқталады: жобаға 82 млрд теңге құйылып, кәсіпорында 550 жаңа жұмыс орны құрылады. Бұл зауыт құйылған арқалықтар өндірісінің өнеркәсіптік операцияларын және өндіріс номенклатурасын кеңейтуге мүмкіндік береді.
Мемлекет басшысының көлік логистикасын дамыту туралы Жолдауын орындау мақсатында «Құрғақ порт» халықаралық көлік-логистикалық кешенін салу облыс арқылы контейнерлік тасымалдау көлемін 5 есеге арттыруға мүмкіндік береді.
