Кездесу барысында Медианы дамыту агенттігі атқарушы директорының орынбасары Натиг Мамедли Медиасауаттылық апталығы басталғанын айтып, оның қоғамда медиасауаттылықты арттыру және табысты халықаралық тәжірибелерді зерделеу үшін маңызды екенін атап өтті.
Оның айтуынша, пайдаланушылардың осал тобы болып саналатын жасөспірімдер мен жастардың білімі мен дағдыларын дамыту, ақпарат көздерімен және ағындарымен тиімді өзара іс-қимылды жолға қою, сондай-ақ жауапты цифрлық азаматтықты ілгерілету мақсатында бірқатар іс-шаралар мен жобалар іске асырылады.
Қазақстан Республикасының Президенті жанындағы Орталық коммуникациялар қызметі директорының орынбасары Дмитрий Голобурда Медиасауаттылық апталығының мақсаты мен мәнін жоғары бағалап, ақпарат көп тараған қазіргі заманда сенімді жаңалықтарды таңдау мен таратудың маңыздылығын атап өтті.
Оның айтуынша, екі ел арасында БАҚ саласындағы ынтымақтастықты одан әрі кеңейту және тәжірибе алмасу үшін бірлескен жобаларды іске асырудың маңызы зор.
Кездесуде өзара қызығушылық тудыратын басқа да мәселелер бойынша пікір алмасылды.
