Оның айтуынша, биыл 1 мыңнан астам жұмыс орын құра отырып, 3 жоба іске қосылды, жыл соңына дейін тағы 3 жоба өз жұмысын бастайды.
«Инвесторларға қолайлы жағдай жасап келеміз. Соның ішінде Президент Ақтөбедегі әуежай жөнінде тапсырма берген болатын. Қазіргі таңда мультимодальды хаб аясында 858 гектарды құрайтын Арнайы экономикалық аймағы бойынша жұмыстар атқарылуда. Аталған аймақта кемінде 1,2 трлн теңгеге 40-там астам жобаны жүзеге асыру жоспарда. Сондай-ақ Хромтау моноқаласында 400 млрд теңгеге 20 жобаны жүзеге асыруға арналған Индустриялық аймақ құру бойынша жұмыстар жүргізіп келеміз», – деді өңір басшысы.
Ақтөбе облысындағы маңызды саланың бірі – агроөнеркәсіп кешенін дамыту. Бүгінгі күні ауыл шаруашылығын дамыту бағытында көптеген жұмыс жүргізілуде. Биыл ауыл шаруашылығы саласын қолдауға 15,5 млрд теңге қаражат қарастырылды. 11 айда 333 млрд теңгеге өнім өндірілді. Сондай-ақ «Ауыл Аманаты» жобасы аясында 2 900-ден астам жоба мақұлданып, 15 млрд теңгеге 2 706 жоба бойынша несие берілді.
Мал шаруашылығы саласында төрт түліктің өсімі орташа есеппен 110%-ды құрады. Өсімдік шаруашылығына қатысты биыл 403 мың гектар дәнді дақылды алқаптан 559 мың тонна өнім алынды. Бұл көрсеткіш былтырмен салыстырғанда 130 мың тоннаға артты немесе 30%-ға өсті. Ауыл шаруашылығы саласын бұдан әрі дамыту мақсатында алдағы жылдарда инвестиция көлемі 51 млрд теңгені құрайтын 95 жобаны іске асыру жоспарда.
